3 стратегии за скротување на слаткиот заб

Не скокајте оброци
Одржување на стабилни нивоа на шеќери во крвта преку денот е клучен момент за стрвоста на благи работи. Ако крвниот шеќер премногу падне или пак отиде во плафон, тоа ќе ве направи уште поненаситни за нов шеќерен фикс.

Кое е решението? Обидете се главните оброци да ви бидат искомбинирани од 40% јагленохидрати (салати, зеленчук), 30% протеини (пилешко, риба) и 30% масти (маслиново масло, јатки). Доколку консумирате оброк изграден само од јагленохидрати, тие бргу ќе се апсорбираат и ќе ги направат непосакуваните скокови и падови во крвта.

Избегнувајте прости шеќери за појадок
Ова е многу едноставно: јадење на шеќер ве тера да јадете повеќе шеќер. Плус, може да го стимулира апетитот, па колку повеќе јадете, толку повеќе ќе сакате да јадете.

Кое е решението? Најдете здрава замена. Пробајте јогурт со овесни житарки, јаболко, банана или што било друго кое содржи комплексни јагленохидрати, а не прости шеќери.

Прекинете да си ги решавате проблемите и стресот со слатки.
Посегнување по било какво колаче, торта или било каква форма на шеќер во стресните моменти нема да направи никакво подобрување.

Кое е решението? Најдете друг начин на справување со стресот како јога, вежбање или медитација, слушајте релакс музика или прошетајте во природа. Сето ова ќе делува каде-каде поблаготворно од едно колаче.