Троен македонски подиум на Ултра Треил Стара Планина 2019
„Миџор Треил” е трка во склоп на УТСП со должина од 57 километри и 2400 висински метри која минува низ најубавите и интересни предели на почетниот дел на Стара планина, Бабин зуб, врвот Миџор, Копрен и селото Топли дол.
Во конкуренција од 122 тркачи и навистина сложени и тешки временски услови на оваа трка победија тројца наши планински тркачи пристигнувајќи на целта во краток временски период.
Прв беше Дејан Тодевски со време од 5 часа и 52 минути, зад него пристигна Филип Тодоровски со време од 5 часа и 56 минути а трет беше Димитар Тодоровски со време од 6 часа и 10 минути.
Во женска конкуренција на оваа трка победија Снежана Ѓурич, Агата Лабеџка и Татјана Јовановиќ.
Сите резултати можете да ги пронајдете тука.