Први македонски финишери на Олимпус Митикал Треил

Олимпус Митикал Треил е 100 километри долга трка во срцето на планината на боговите – Олимп, која тркачите ги носи на некои од најдивите и високи делови од планината. Висинската разлика во целокупната должина изнесува 6400 метри и заедно со техничкиот терен и преминувањето на 2900 мнв. претставува еден од најсилните предизвици кои може да се пробаат. 

Оваа година околу 170 натпреварувачи од повеќе светски држави беа дел од трката, а топлотниот бран кој го имаше зафатено полуостровот ја издигна тежината на трката на уште повисоко ниво. 

Од македонскиот клуб за планинско трчање ТРЕКС, за прв пат на оваа трка учество земаа Михаил Стефанов од Штип и Дејан Крле и Игор Јовановски од Скопје. Поради неможност да се справи со проблемите од топлината и влажноста на воздухот, Игор Јовановски се откажа од трката уште на 30тиот километар, но Михаил Стефанов и Дејан Крле успеаја да издржат на екстремните услови и да финишираат

Стефанов заврши на 26тото место со време од 21:07:40, a Дејан Крле на 66тото место со време од 27:09:31. 

На трката учествуваа вкупно 173 учесници, а ја финишираа 84. 

Сите резултати може да се најдат тука.