Овој викенд возиме низ „Мистериите на Беласица”

За сите оние расположени за дводневна дружба, фестивал на отворено и кампинг, поаѓањето е на 25.06.2016 од селото Банско во 9 и 30 часот каде опремата на учесниците ќе биде пренесена со возила до планинарскиот дом Шарена Чешма. Велосипедистите пак, возат преку водопадите над с.Колешино и с.Смоларе, Мокринските извори до Планинарскиот Дом Шарена Чешма. 

Во домот ќе биде локализиран главниот настан со повеќе активности на отворено, а веќе наредниот ден ќе се вози до највисокиот врв на планината – Тумба 1881м.н.в. откаде учесниците ќе се вратат во селото Банско. Вкупната должина на турата е 75 километри. 

За оние кои ќе дојдат само во недела 26.06.2016 организаторот обезбедува „Мала велосипедска тура” која стартува од селото Смолари во 9 и 30 и оди до врв Семер Кајас (највисока точка на турата) откаде се враќа во Смолари со должина од 33км. Оваа тура се класифицира како средно-тешка тура. 

Сите дополнителни информации за пријавувањето, цената на пакетите и деталите во истите можете да ги најдете тука.