Свечено отварање на VI Европски извиднички симпозиум

На свеченото отварање македонските извидници се преставија со извидничка драматизација. Присутните беа поздравени од Фатмир Бесими, заменик на Претседател на Владата на РМ и задолжен за европски прашања, Андреа Демармелс, преставник на европскиот скаутски регион и Огнен Стефановски стрешината на СИМ. Овој настан се одржува од 3 до 6 декември оваа година, а Сојузот на Извидници на Македонија е домаќин на Европскиот Извиднички Симпозиум.

На Европскиот Извиднички Симпозиум присуствуваат делегации од сите Европски Национални Сојузи и Федерации претставени од над 140 учесници кои се сместени во хотелот Континентал каде се реализираат и сите сесии од симпозиумот. Целта на симпозиумот е да се подготви план и насоки за Европскиот Извиднички Регион за наредните три години, план кој е подготовка за Европската Извидничка Конференција која се одржува наредната година во Норвешка.