Успешно се одржа второто издание на Струмина Треил

Трката за првпат (видео) беше одржана минатата година кога одличен број на тркачи се собраа да уживаат во прекрасната и питома природа која лежи на чекор од градот Штип, а оваа година бројката на пријавени учесници беше уште поголема што дава до знаење за потребата на еден ваков настан.

Стазата беше изменета од минатогодишната и овојпат беше целосно кружна минувајќи низ повеќе штипски чешми и ридови, имаше една контролна и освежителна точка во селото Липов Дол а должината изнесуваше 19 километри со 670D+. 

На самата трка учество земаа 82 натпреварувачи од различни возрасни категории а прв во машка категорија заврши Марјан Бонев со време од 1:35:58, втор беше Јовица Ристовски 1:36:06 а трет Димитар Илиев 1:36:10.

Во женската конкуренција Билјана Серафимовска (2:15:29) заврши прва, Тања Пенева Здравева – 2:26:11 втора, а третата позиција ја освои Американката Еми МкГолдрик – 2:29:44. 

Целосни резултати може да видите ТУКА