Планинари од ПСД Макпетрол го искачија Ерциес

Ерциес претставува планина која се наоѓа во централниот дел од Анатолиското плато т.е. во древниот регион на Кападокија во близина на градот Кајзери. Планината претставува изгаснат стратовулкан а нејзиниот највисок врв се извишува на висина од 3916 метри над морето и претставува највисок во регионот. Тој го гради масивот Анти-Таурус кој се протега североисточно од масивот Таурус во провинцијата Ниде.

Тимот на ПСД Макпетрол заедно со планинари од српскиот ПД Балкан изминатиов период беа на присутни во Кападокија и правеа аклиматизациони искачувања на други повисоки врвови, а вчера, на 28.10.2015 успеаја да се искачат на Ерциес. 

Тркачите на TREX пак, здружение кое е огранок на ова планинарско друштво во изминатиот викенд учествуваа во ултра-маратонот Кападокија Ултра-Треил каде сите претставници ги завршија своите трки.

Според грчкиот филозоф и географ Страбо, моќниот Ерциес во тоа време бил постојано покриен со снег, а тие малкумина кои успеале да го качат можеле да го видат Црното Море на север и Средоземното во правец југ.