Македонија дел од Европска недела на спортот 2016

Овој проект е одобрен од страна на Европската комисија како дел од “Ерасмус +” програмата на Европската Унија.

Ова е големо признание за Македонскиот олимписки комитет, кој е влезен во овој проект врз основа на своите минати проекти, посебно препознати од страна на Европските олимписки комитети, но и од Европската Унија. Овој европски проект директно се фокусира на целите на “Ерасмус +” програмaта на Европската Комисија, цели кои се насочени кон промоција на базичниот спорт, на свеста за важноста на здравјето заради физичката активност (#бидиактивен), преку зголемено учество и еднаков приод кон спорт за сите.