Групна динамика
На персонално ниво секое дете може да бенефитира од групната работа, таа развива чувство на припадност во истата, поттикнува самодоверба и сигурност, комуникациски како и лидерски вештини.
Поголем број истражувања покажуваат дека тимската работа го подобрува критичкото размислување, ги подобрува вештините за решавање на проблемите и вештините за резонирање.
Работејќи во група децата се инволвирани не само интелектуално туку и емотивно. Тие во групата размислуваат, придонесуваат со идеи и информации, се подржуваат и заедно подготвуваат презентации. Развиваат социјална свесност, ги ценат различностите и сличностите помеѓу индивидуаите во групата, како и себесвесност, идентификувајќи ги своите интереси, слабости и способности.
Групната работа во училницата станува се популарна во последните години. Како и многу други работи во едукативниот процес групирањето функционира кога е планско и систематизирано. Едноставното седење на 4-5 деца заедно не значи дека постои групна динамика. Од таа причина најважен е планот за групната работа и каков вид на групи ќе се употребат.
Постојат два главни типа на групи во училиницата кои се практикуваат кога студентите треба да работат колаборативно:
1. Првиот тип се хетерогени групи кои групираат студенти со различно ниво на способност. Клучниот збор за овие групи е различно, а различноста може да се прошири во повеќе сегменти, години, позадина, раса и слично.
2. Вториот тип се хомогени групи, односно групи во кои студентите се групираат на основ на некоја сличност. На пример: исти перформанси во одредена област.
Постојат голем број на методи на учење кои може да се применат во групната работа. Изборот може да е воден од посакуваните резултати. Може да ги разгледаме следните:
Ice breakers преставува вежба во која се постигнува целта на “кршење на мраз”
Swot Analysis со оваа вежба преку слабости, предности, можности и закани се обезбедуваат идеи за некоја област или прашање.
Brainstorming е вежба која обезбедува идеи и предлози со цел да се генерираат сугестии и опции.
Fish bowling во оваа вежба една група работи на една тема, другата опсервира.
Role play е вежба во која одредена ситуација се одигрува.
Strategy exercise вежби за наоѓање на едно решение од групен процес.
Сепак најдобриот метод за поттикнување на внатрешните ресурси кај децата е кога индивидуалниот и групниот медот се балансираат и водат до реализација на квалитетите посакувани од самото дете.
“Talent wins games, but teamwork and intelligence wins championships.” – Michael Jordan