Суперхрана ама наша

Прво, самиот термин “суперхрана” се однесува на храна која има богата палета од минерали, витамини, антиоксиданси и фитонутрициенси, со голема хранлива вредност, а малку калории. Второ, овој термин е маркетиншка измислица за да се додаде вредност на некој продукт кој често нема докажани медицински полезности.

Што се однесува на првото, доматот, гравот, пиперката, дренките, морковот, цвеклото и многу други, совршено и на свој начин се вклопуваат во дефиницијата за “суперхрана”. Се што треба ние да направиме е доволно често и разновидно да ги внесуваме преку нашата секојдневна диета.

И егзотичните “суперхрани” си имаат свој бенефит, како и нашите “суперхрани”, но ним им се придодаваат малку поголеми вредности и многу поголеми цени. 

За крај може да заклучиме дека не постои “суперхрана”, но постои нешто како што е СУПЕРИСХРАНА, а тоа е здрава и балансирана диета преку која ќе ги примите сите потребни нутрициенси и течност во текот на денот.