Ако барате нешто необично летово
FlyBoard
Првично измислен од Френк Запата, Флајбордот работи на принцип на пропулзија на вода преку големо црево поврзано со џет ски кое ви овозможува да летате над и во вода. Според одредени фирми кои веќе имаат искуство со рентање на Флајбордот, луѓето ги совладуваат маневрите за помалку од пет минути.
Bossaball
Помеѓу 2003 и 2005, белгискиот екс-тенисер Филип Ејкманс го измислува концептот на Босабол, игра која комбинира елементи од гимнастика, фудбал и одбојка.
Се игра на терен кој отскокнува, тимовите се составени од четири или пет играчи, а целта е топката да се испрати на противничкиот терен (да го допре теренот). При тоа се користат елементи од сите три горе наведени спортови. Значи дозволени се раце и одбојкарски удари, нозе и фудбалски, а бидејќи теренот отскокнува лесно е да се прави малку акробација.
Octopush
Октопуш или подводен хокеј се развива во 1950тите во Англија. Во него, за должителна опрема е сет за снорклање, капче за ватерполо и „рекет“ во вид на шпатула. И се игра под вода бидејќи пакот е потонат на дното, а целта е да се даде гол на противниците.
Hard Court Bike Polo
Нешто што би можело да се нарече урбано поло. Hard court Bike Polo инаку се вика играта каде што коњите се заменети со точаци, а теренот не е мека трева, туку цемент. Другото е скоро исто, а боди контактот е дозволен.